ფრანკფურტის წლევანდელ წიგნის ბაზრობაზე საქართველოს საპატიო სტუმრობასთან დაკავშირებით, ჰაინრიჰ ბიოლის ფონდის სამხრეთ კავკასიის რეგიონალური და ბერლინის ცენტრალური ბიუროების დაფინანსებით, გერმანულმა დამოუკიდებელმა აკადემიურმა გამომცემლობამ Transcript გამოსცა კრებული სათაურით Georgien, neu buchstabiert. Politik und Kultur eines Landes auf dem Weg nach Europa. წიგნი შედგება ქართველი მკვლევარების კრიტიკული ესსეებისგან თანამედროვე საქართველოს შესახებ. კრებულის სამეცნიერო რედაქტორი ჩვენი ინსტიტუტის წევრი და კოორდინატორი, ლუკა ნახუცრიშვილია, ხოლო, კრებულში შემავალი მრავალი სტატიის ავტორი – ჩვენი ინსტიტუტის მუდმივი თუ მოწვეული მკვლევარ-თანამშრომლები.